दिनांक: २४ सप्टेंबर २०२५ | स्थळ: ठाणे जिल्हा (सर्व ग्रामपंचायत क्षेत्र)
ठाणे जिल्ह्यातील ग्रामीण भागातील नागरिकांमध्ये शाश्वत स्वच्छतेची महत्त्वाची जाणीव निर्माण करणे आणि स्वच्छ भारत मिशन अंतर्गत जिल्ह्यातील सर्व ग्रामपंचायतींमध्ये महाप्रभावी एक दिवस, एक तास, एकसाथ ही विशेष उपक्रम राबविण्यात येणार आहे.
स्वच्छ भारत मिशन अंतर्गत २५ सप्टेंबर रोजी सकाळी ८ ते ९ या वेळेत जिल्ह्यातील सर्व ग्रामपंचायतींमध्ये महाप्रभावी एक दिवस, एक तास, एकसाथ हा विशेष उपक्रम राबविण्यात येणार आहे. या उपक्रमाचा उद्देश प्रत्येक गावात स्वच्छतेची लोकचळवळ निर्माण करणे व शाश्वत स्वच्छतेचे महत्त्व घराघरात पोहोचविणे हा आहे.
महाप्रभावी एक दिवस, एक तास, एकसाथ – काय आहे हा उपक्रम?
- महाप्रभावी म्हणजे सर्वजनिक ठिकाणे, प्रमुख रस्ते व महामार्ग, रेल्वेस्थानके, वाट, नाले, धार्मिक व पर्यटनस्थळे, ऐतिहासिक वास्तू, कार्यालयीन व बाजारपेठ या ठिकाणी स्वच्छता उपक्रम राबविण्यात येणार आहे.
- या उपक्रमात खासदार, आमदार, जिल्हा परिषदेचे माजी पदाधिकारी, पंचायत समिती सदस्य, सरपंच व स्थानिक लोकप्रतिनिधी यांचा सक्रिय सहभाग राहणार आहे.
- याचबरोबर विद्यार्थी, युवक-युवती, बचत गट, स्वयंसेवी संस्था, पत्रकार, समाजसेवक आणि ग्रामस्थांनी या उपक्रमात मोठ्या प्रमाणात सहभागी व्हावे, असे आवाहन जिल्हा परिषदेचे मुख्य कार्यकारी अधिकारी रोहन शुगे यांनी केले आहे.
उपक्रमाचे स्वरूप:
- प्रत्येक गावातसकाळी ८ ते ९ या वेळेतएक तासस्वच्छता अभियान
- सर्वांनी एकत्र येऊनआपापल्या परिसरातील कचरा संकलन, स्वच्छता, जागृती
- स्वच्छतेची शपथ, जनजागृती फलक, वृक्षारोपण, प्लास्टिक बंदी संदेश यांचा समावेश
“स्वच्छता ही सेवा आहे. एक तास द्या, गाव स्वच्छ करा, देश स्वच्छ करा.” – रोहन शुगे, मुख्य कार्यकारी अधिकारी, जिल्हा परिषद ठाणे
सर्व ग्रामस्थांना आवाहन: उद्या २५ सप्टेंबर रोजी सकाळी ८ ते ९ या वेळेत आपापल्या गावात स्वच्छता मोहिमेत अवश्य सहभागी व्हा! आपले गाव, आपली जबाबदारी – स्वच्छ ठाणे, समृद्ध ठाणे!
अधिक माहितीसाठी संपर्क: मुरबाड पंचायत समिती कार्यालय | ☎️ ०२५२४ – २४२१२३ किंवा तुमच्या ग्रामपंचायत कार्यालयात भेट द्या.
नोट: ही बातमी सकाळ वृत्तपत्र (२४ सप्टेंबर २०२५) मधील माहितीवर आधारित असून, मुरबाड पंचायत समितीच्या अधिकृत सूचनेनुसार प्रसिद्ध करण्यात आली आहे.
